పరావస్తు చిన్నయసూరి తెలుగు రచయిత. గొప్ప పండితుడు. అతను 1809 సంవత్సరంలో తమిళనాడు రాష్ట్రంలో చెంగల్పట్టు జిల్లాలోని పెరంబుదూరులో జన్మించాడు. ఈయన పూర్వీకులు ఆంధ్రప్రదేశ్ నుంచి తమిళనాడుకు వలస వెళ్ళి అక్కడే స్థిరపడి పోయారు. ఇతని జన్మ నామం చిన్నయ. వీరు పరవస్తు అనే మఠం శిష్యులు. అందు చేతనే ఈయనను పరవస్తు చిన్నయసూరి అని పిలుస్తారు. పరవస్తు చిన్నయ గారి విద్యాభ్యాసం గురించి కుటుంబ బాధ్యతల దృష్ట్యా పదహారేళ్ళ ప్రాయం వరకు అతని తండ్రి గారు శ్రద్ద కనబరచలేదు. ఆ తర్వాత చదవడం మొదలుపెట్టిన ఆయన పాండిత్యానికి తిరుగే లేకుండా పోయింది. ఆ పాండిత్యంతోనే తెలుగు భాషకు సంబంధించిన అనేక వృత్తులను చేపట్టారు. అనువాదకునిగా, అధ్యాపకునిగా జీవనం సాగించారు. చిన్నయ రచించిన బాల వ్యాకరణం, నీతి చంద్రికా గ్రంథములు అత్యంత ప్రాచుర్యం పొందింది. ఈయన గురించి, ఈయన పాండిత్యం గురించి, ఈయన రచనల గురించి, ఈయన మన భాషకు చేసిన సేవల గురించి ఎన్నో విశేషాలు ఈ ప్రదర్సనలో తెలియజేయడం జరిగింది.