‘జాతీయములు’ లేదా ‘జాతీయాలు’ అనేవి ఒక జాతి ప్రజల సంభాషణలో స్థిరపడిపోయిన కొన్ని నానుడులు. ఇవి అనగానే అర్ధమైపోయే మాటలు. మనిషి జీవితంలో కంటికి కనిపించేది, అనుభవంలోకి వచ్చేది, అనుభూతిని కలిగించేది ఇలా ప్రతీ దాని నుంచి ఈ జాతీయాలు పుట్టుకొస్తూనే ఉంటాయి. ఆంగ్ల భాషలో ‘జాతీయం’ అనే పదానికి ‘ఇడియమ్’ అనే పదాన్ని వాడుతారు. తెలుగు భాషలో ఉన్నన్ని జాతీయాలు ఏ ఇతర భాషలోనూ లేవంటే అతిశయోక్తి కాదు. అందుకే తెలుగు భాషలో జాతీయాలకు చాలా ప్రాముఖ్యత ఉంది. ఉదాహరణకు ధృతరాష్ట్రుడి కౌగిలి, గాడిద గుడ్డు, గొంతెమ్మ కోరిక, తధాస్తు దేవతలు అనే మొదలైన జాతీయాలను మనం తరచూ వింటూ ఉంటాం. అందులో కొన్నిటిని వివరంగా ఈ 5 భాగాల శ్రేణిలో చెప్పడం జరిగింది. సామెతలకు జాతీయాలకు గల బేధం కూడా ఇక్కడ వివరింపబడింది.