എല്ലാ വർഷവും നവംബർ 14 ന് ശിശുദിനം ആഘോഷിക്കുന്നു. പണ്ഡിറ്റ് ജവഹർലാൽ നെഹ്‌റുവിന്റെ ജന്മദിനമാണ് ശിശുദിനം. അദ്ദേഹമായിരുന്നു നമ്മുടെ ആദ്യ പ്രധാനമന്ത്രി. കുട്ടികളോടുള്ള സ്നേഹമാണ് അദ്ദേഹത്തിന്റെ ജന്മദിനം ശിശുദിനമായി അംഗീകരിക്കാൻ കാരണം. കൊച്ചുകുട്ടികളോടൊപ്പം കൂടുതൽ സമയം ചിലവഴിക്കാനുള്ള താൽപര്യം കാരണം അദ്ദേഹത്തെ 'ചാച്ചാജി' എന്നാണ് വിളിച്ചിരുന്നത്. അദ്ദേഹത്തിന്റെ മുഖത്തെ പുഞ്ചിരിയും പോക്കറ്റിലെ റോസാപ്പൂവും കുട്ടികളെ അദ്ദേഹത്തോടു വളരെ എളുപ്പത്തിൽ അടുപ്പിച്ചു. രാജ്യത്തുടനീളമുള്ള കുട്ടികളുടെ ക്ഷേമം ഉറപ്പുവരുത്തുന്നതിനായി രാജ്യത്തിന്റെ വിവിധ ഭാഗങ്ങളിൽ എല്ലാ വർഷവും ശിശുദിനം ആഘോഷിക്കുന്നു.