"ശങ്കരാടി:- മലയാള ചലച്ചിത്രരംഗത്തെ അതിപ്രശസ്തനായ അഭിനേതാവാണ് ശങ്കരാടി. ചന്ദ്രശേഖരമേനോന്‍ എന്നാണ് യഥാര്‍ത്ഥ പേര്.വടക്കന്‍ പറവൂര്‍ മേമന വീട്ടില്‍ കണക്ക ചെമ്പകരാമന്‍ പരമേശ്വരന്‍ പിള്ളയുടെയും ചെറായി ജാനകിയമ്മയുടെയും മകനായി 1924ല്‍ ജനനം.. (ജീവിതകാലം: 1924 – 2001). 700 ലധികം ചിത്രങ്ങളിൽ അഭിനയിച്ചിട്ടുണ്ട്. മലയാളത്തിലെ റിയലിസ്റ്റിക്ക് നടന്മാരിൽ പ്രധാനിയായിരുന്നു ശങ്കരാടി. 1960 മുതൽ 80 കാലഘട്ടത്തിലാണ് പ്രധാനമായും ശങ്കരാടി അഭിനയിച്ചിട്ടുള്ളത്. കാബൂളിവാല, ഗോഡ്‌ഫാദർ, കിരീടം, ചെങ്കോൽ എന്നിവയിലെ അദ്ദേഹത്തിന്റെ കഥാപാത്രങ്ങൾ ശ്രദ്ധേയമാണ്. അദ്ദേഹം ഒരു മുതിർന്ന മലയാളം ഹാസ്യനടൻ ആയിരുന്നു ."