"പുതിയ ആകാശം പുതിയ ഭൂമി" എന്ന നാടകത്തിലെ ഗാനമാണ് "വരൂ യുഗപ്രഭാതമേ നറും പ്രകാശസൂനമേ തപസ്സു ചെയ്യുമൂഴിയെ തമസ്സിൽ നിന്നുയർത്തുക അനന്തസ്സർഗ്ഗശക്തി തൻ പ്രയത്ന താളമൊത്തിനി പ്രപഞ്ച വീണ മീട്ടുവാൻ പ്രഭാതമേ വരൂ വരൂ" എന്ന ഈ ഗാനം. ഒ എൻ വി കുറുപ്പ് എഴുതി , ജി ദേവരാജൻ സംഗീതം നൽകി, കെ എസ് ജോർജ്, കെ സുലോചന & സംഘം എന്നിവർ ആലപിച്ച ഗാനം. തോപ്പിൽ ഭാസി രചിച്ച നാടകമാണ് പുതിയ ആകാശം പുതിയ ഭൂമി. സംവിധാനം - തോപ്പിൽ ഭാസി. 1960-ൽ നാടകരചനയ്ക്കുള്ള കേരള സാഹിത്യ അക്കാദമി പുരസ്കാരം ഈ കൃതി നേടിയിട്ടുണ്ട്. ഇതേ പേരിൽ തോപ്പിൽ ഭാസി കഥയും തിരക്കഥയും സംഭാഷണവുമെഴുതി എം.എസ്. മണി സംവിധാനം ചെയ്ത ചലച്ചിത്രം 1962-ൽ പുറത്തിറങ്ങിയിരുന്നു.