നീലംപേരൂർ പള്ളിഭഗവതി ക്ഷേത്രം കേരളത്തിലെ ആലപ്പുഴ‍ ജില്ലയിലെ കുട്ടനാട്ടു താലൂക്കിലെ ഒരു പുരാതന ക്ഷേത്രമാണ് നീലംപേരൂർ പള്ളിഭഗവതി ക്ഷേത്രം. ബുദ്ധമത സംസ്കാരത്തിന്റെ വേരുകൾക്ക് സാക്ഷ്യം വഹിക്കുന്ന നീലംപേരൂർ ക്ഷേത്രത്തിന് 1700-ഓളം വർഷ‍ങ്ങളുടെ പഴക്കമുണ്ട്. ഒരു ബുദ്ധമതസംസ്‌കാര കേന്ദ്രത്തില്‍ നിന്ന് കാലത്തിന്റെ ഒഴുക്കില്‍ ദേവീക്ഷേത്രമായി മാറിയ പ്രശസ്തമായ ക്ഷേത്രമാണ് ഈ ക്ഷേത്രം. ചിങ്ങമാസത്തിലെ പൂരം നാളില്‍ നടക്കുന്ന പടയണി ഉത്സവമാണ് ഇവിടുത്തെ ഏറ്റവും പ്രശസ്തമായ ആഘോഷങ്ങളിലൊന്ന്. പതിനാറു ദിവസം നീണ്ടു നില്‍ക്കുന്ന ഈ ആഘോഷം ഹിന്ദു-ബുദ്ധമത സംസ്‌കാരങ്ങളുടെ സമന്വയമാണ്. പടയണി കാണാനായി വിദേശ രാജ്യങ്ങളില്‍ നിന്നുപോലും ആളുകള്‍ ഇവിടെ എത്താറുണ്ട്.