ഖദീജ ബീവി മക്കയിലെ വലിയ കച്ചവടക്കാരൻ്റെ മകൾ ആയിരുന്നു.ബീവിയും കച്ചവടത്തിൽ മികവു പുലർത്തി.പിതാവും, ഭർത്താവും മരിച്ചു ഏകയായ ബീവിയോട് വിവാഹ അഭ്യർത്ഥനയുമായി പലരും വന്നെങ്കിലും എല്ലാം ബീവി നിരസിച്ചു.ബീവി മുഹമ്മദിനെ കച്ചവടം ചെയ്യാൻ ഏൽപ്പിച്ചു.ആ സംഘം തിരിച്ചു വന്നത് വൻ ലാഭവുമായിട്ടാണ്.മുഹമ്മദ് ഒരു അത്ഭുതമാണ്.അയാൾ സാധാരണ ആൾക്കാർ ചെയ്യുന്ന പോലെ നമ്മുടെ സാധനങ്ങളുടെ കുറവുകൾ മറച്ചു വെച്ചില്ല.എല്ലാം തുറന്നു പറഞ്ഞിട്ടാണ് വിറ്റത്, എന്നിട്ട് പോലും ജനം എല്ലാം വാങ്ങി. ഒന്നും ബാക്കിയായില്ല. മുഹമ്മദിനെ പറ്റി കേട്ട കാര്യങ്ങളും, നേരിൽ കണ്ടപ്പോൾ മനസ്സിലായ സ്വഭാവ വിശുദ്ധിയും കാരണം ബീവിയുടെ മനസ്സിൽ മുഹമ്മദ് സ്ഥാനം പിടിച്ചു.ഖദീജയുടെ വിവാഹ ആലോചനയുമായി ദൂതന്മാർ മുഹമ്മദിനെ കണ്ടു. അങ്ങനെ ആ വിവാഹം നടന്നു. ബീവി എല്ലാവരെയും സാക്ഷിനിർത്തി തന്റെ മുഴുവൻ സ്വത്തും മുഹമ്മദിനു നല്കി. ആരിലും അസൂയ ഉളവാക്കുന്ന ദാമ്പത്യമായിരുന്നു അവരുടേത്.നബിയിൽ എന്തോ പ്രത്യേകത ഉള്ളത് അന്നേ ബീവി മനസ്സിലാക്കിയിരുന്നു.നബി കാണുന്ന സ്വപ്നങ്ങൾ ഒക്കെ ബീവിയോടു പറയും. പ്രസ്തുത സ്വപ്നങ്ങൾ പലതും പിന്നീടു പുലരുന്നതും ബീവി കണ്ടു. മക്കയിലെ ഹിറ ഗുഹയിൽ ഏകനായി നബി ഇരിക്കാൻ തുടങ്ങി.നബി വരാത്ത ദിവസങ്ങളിൽ അവിടുത്തേയ്ക്ക് ഭക്ഷണവുമായി ഖദീജ ബീവി മല കയറുമായിരുന്നു. അതിനു പറഞ്ഞ കാരണം ''എന്റെ ഭർത്താവിന് ഞാൻ തന്നെ ഭക്ഷണം കൊടുക്കണം'' എന്നാണ്. ഒരു നാൾ, റമളാൻ മാസം , നബിക്ക് മുൻപിൽ ജിബ്രീൽ മാലാഖ പ്രത്യക്ഷപ്പെട്ടു.നബി പേടിച്ചു ഓടി വീട്ടിലെത്തി ''എന്നെ പുതപ്പിക്കൂ.. പുതപ്പിക്കൂ'' എന്നദ്ദേഹം ബീവിയോടു പറഞ്ഞു.ബീവി പരിഭ്രാന്തയായി.നബി സംഭവിച്ച കാര്യങ്ങൾ എല്ലാം പറഞ്ഞു.ഖുർ ആൻ കേൾപ്പിച്ചു ബീവി ആശ്വസിപ്പിച്ചു . നബി താൻ പ്രവാചകൻ ആയ കാര്യം ആദ്യം അറിയിച്ചത് ഖദീജ ബീവിയെ ആണ്. ഉടനെ ഖദീജ ബീവി നബിയിൽ വിശ്വസിച്ചു.അങ്ങനെ മുഹമ്മദ് നബിയിൽ വിശ്വസിച്ച ആദ്യത്തെ ആളായി , വിശ്വാസിയായി ബീവി മാറി.നബിക്ക് പിന്നീട് പരീക്ഷണങ്ങൾ ആയിരുന്നു. പീഡനങ്ങൾ, ബഹിഷ്കരണങ്ങൾ , മൂന്നു വർഷം ഒരു മലമുകളിൽ മക്കളുമായി നബിക്കൊപ്പം നേരാം വണ്ണം കഴിക്കാൻ ഭക്ഷണമില്ലാതെ ഖദീജ ബീവി കഴിഞ്ഞു.എന്നിട്ടും ഒരിക്കൽ പോലും ബീവി അസഹ്യത കാണിച്ചില്ല.പിന്നീടു ബഹിഷ്കരണം അവസാനിച്ചതും ബീവി രോഗം ബാധിച്ചു കിടപ്പിലായി. മരണ സമയം അടുത്തിരുന്നു കണ്ണീർ വാർത്ത നബി യോടായി അവർ പറഞ്ഞു '' നബിയെ, അങ്ങേയ്ക്ക് അള്ളാഹു നല്ല ഭാര്യമാരെ തരട്ടെ. നല്ല മക്കളെയും തരട്ടെ..'' മരണ വേദനയിൽ പോലും നബിക്ക് സുഖം ആശംസിച്ച ആ ബീവിയുടെ സ്നേഹം എത്ര മഹത്തരം. വർഷങ്ങൾ കഴിഞ്ഞ് മക്ക കീഴടക്കാൻ എത്തിയ സമയം നബി തമ്പടിച്ചത് ഖദീജ ബീവിയുടെ ഖബറിനടുത്തായിരുന്നു. അത്രമേൽ ബീവിയുമായി ഹൃദയ ബന്ധമുണ്ടായിരുന്നു നബിക്ക്. അതിനാൽ തന്നെ ഖദീജ ബീവി ഏറെ ഉന്നതയാണ്. ആരുമില്ലാതിരുന് നമ്മുടെ നബിക്ക് എല്ലാമായിരുന ആ ഖബറിടത്തിന് സമീപം നിൽക്കുമ്പോൾ പുന്നാര നബി പറഞ്ഞ വാക്കുകൾ ഖദീജയേക്കാൾ നല്ലത് അല്ലാഹു എനിക്ക് തന്നിട്ടില്ല എന്നാണ്.