తెలంగాణ రాష్ట్రం ఏర్పాటయ్యాక నూతనంగా ఏర్పడిన జిల్లా ఈ కొమరంభీం జిల్లా. తెలంగాణ లోని 33 జిల్లాలో ఇది ఒకటి. ఈ జిల్లా పరిపాలన కేంద్రం మరియు ముఖ్యపట్టణం ఆసిఫాబాద్. ఈ జిల్లాలోని అన్నీ మండలాలు ఒకప్పుడు ఆదిలాబాద్ జిల్లా లో ఉండేవి. ఈ కొమరంభీం జిల్లాకు నిజాం పాలనకు వ్యతిరేకంగా పోరాడిన గిరిజన ఉద్యమనాయకుడు కొమరంభీం పేరు పెట్టడం జరిగింది. గతంలో ఈ జిల్లా కాకతీయులు, మౌర్యులు, శాతవాహనులు, చాళుక్యులు, కుతుబ్ షాహీ, ఆసఫ్జాహీ వంశస్థులు చే పరిపాలించబడింది. ఈ జిల్లాలో అధిక శాతం జనాభా గిరిజనులే. ఇక్కడ ఉన్న సిర్పూర్ అడవులలో పులులు, క్రూర వన్య ప్రాణులు నివసిస్తాయి. జిల్లా గురించి ఇటువంటి ఆసక్తికరమైన విశేషాలు మరియు, దాని జనాభా, పంటలు, చూడదగిన ప్రదేశాల జాబితా వంటి సమాచారం కూడా ఈ ప్రదర్శనలో ఇవ్వడం జరిగింది.