ఆంధ్ర ప్రదేశ్ మరియు తెలంగాణ ఎన్నో వేల సంవత్సరాలుగా వివిధ రాజులచే పాలించబడ్డాయి. సహజంగానే, వీరిలో అనేక మంది పాలకులు తమ కోసం కోటలను నిర్మించుకున్నారు. ఈ కోటలు చాలావరకు శిధిలావస్థలో నేడు కూడా కనిపిస్తాయి. ఈ మల్టీ-పార్ట్ సిరీస్ తెలుగు రాష్ట్రాలలోని కోటల గురించి, అనగా వాటిని నిర్మించిన పాలకుల పేర్లు, వారి ప్రత్యేక నిర్మాణం, అక్కడ జరిగిన యుద్ధాలు మొదలైన ఆసక్తికరమైన సమాచారాన్ని మీకు అందిస్తుంది. ఈ భాగంలో తెలంగాణ లోని దోమకొండ సంస్థానం కవర్ చేయబడింది. ఇది కరీంనగర్‌ జిల్లాలో ఉంది. నగునూరు కోటలోని ప్రతి ప్రాకారంలోనూ ఆనాటి కాకతీయరాజుల పాలనలోని మహా వైభవంతో పాటు వారి రాజసం, దర్పం, ఆనాటి ప్రజల సంగతులు మనకు కళ్ళకు కట్టినట్టుగా నేటికీ కనిపిస్తాయి. సుమారు 400 దేవాలయాలతో వేలాది భక్తుల జయజయ ధ్వానాలతో, వేద పండితుల వేదఘోషలతో ఎంతో వైభవంగా శతాబ్దాల పాటు విరాజిల్లిన ‘నగునూరు’ కోట, వేములవాడ చాళుక్యులు, కళ్యాణి చాళుక్యులు, కాకతీయులు, బహమనీయులు, కుతుబ్‌షాహీలు, మొగలాయిలు, అసఫ్‌ జాహీలేగాక మరెందరో రాజుల పరిపాలనను చవిచూసిన ఈ కోట నేడు శిథిలావస్థలో ఉంది. ఈ ప్రదర్శన ద్వారా కోట చరిత్ర మరియు నిర్మాణ శైలి గురించిన మరెన్నో ఆసక్తికరమైన విశేషాలు తెలుసుకోవచ్చు.