இந்தப் பதிவு 'The Envious Neighbour' பொறாமைக்கார அண்டைவீட்டார் என்ற ஜப்பானிய நாட்டுப்புறக் கதையை மனதைக் கவரும் படங்களுடன் விவரிக்கிறது. இந்த விளக்கக்காட்சி இரு மொழிகளில் உள்ளது, புரிந்துகொள்ள ஏதுவாக தமிழ் மற்றும் ஆங்கிலத்தில் கதையை விவரிக்கிறது. தீமையை நன்மை எப்படி வெற்றி கொள்கிறது என்பதே கதையின் கரு. இந்தக் கதை இரண்டு வெவ்வேறு தம்பதிகளைச் சுற்றிச் சுழல்கிறது, ஒரு தம்பதி கருணை மற்றும் தாராள மனத்திற்கு எடுத்துக் காட்டாக விளங்க, மற்றொறு தம்பதி தீமை மற்றும் கொடூர மனம் படைத்தவர்களாக இருக்கிறார்கள். நல்ல தம்பதியினரிடம் ஒரு நாய் உள்ளது. அந்த நாய் அதன் உரிமையாளர்களுக்கு ஒரு புதையலைக் கண்டுபிடிக்க உதவுகிறது. இதைக் கேட்ட அந்தத் தீய முதிய தம்பதிகள் நாயைக் கடனாக வாங்கி அது தங்களுக்கு உதவாததால் அதைக் கொன்றுவிடுகிறார்கள். நாய் முதியவரின் கனவில் தோன்றி, அதிர்ஷ்டத்தை வெல்ல அவர்களுக்கு வழிகாட்டுவதன் மூலம் நல்ல வயதானவர்களுக்கு அது தொடர்ந்து உதவுகிறது. பொறாமையிலும் குரூர எண்ணத்திலும் சிக்கித் தவிக்கும் பொல்லாத தம்பதிகள், அத்தகைய அதிர்ஷ்டத்தை விரும்பி, எல்லாத் தவறான செயல்களிலும் ஈடுபடுகிறார்கள். இளவரசனும் அவனது ஆட்களும் அவர்களுக்கு ஒரு பாடம் கற்பிக்கிறார்கள். பொல்லாத தம்பதிகள் பரிதாபகரமான நிலைக்குத் தள்ளப்படுகிறார்கள். அவர்களின் வருந்தத்தக்க அவலநிலையைப் பார்த்து இரக்கப்பட்டு, நல்ல வயதான தம்பதிகள், அவர்களின் பொறாமை மற்றும் குரூர செயலுக்காக அவர்களைக் கண்டித்து, அவர்களுடன் தங்கள் செல்வத்தைப் பகிர்ந்து கொள்கிறார்கள். பொல்லாத தம்பதிகள் தங்கள் வழிகளைச் சரிசெய்து, நல்லொழுக்கமுள்ள வாழ்க்கையை எப்போதும் நடத்துகிறார்கள். மேலும், இந்த விளக்கக்காட்சியில் சொற்களஞ்சியம் மற்றும் கதை பகுப்பாய்வும் சேர்க்கப்பட்டுள்ளது.