"ആ സൂര്യബിംബം ആത്മാവിലണിയും ആർദ്രമേ പങ്കജഗീതം ഈ ധ്യാനം ഈ യാനഗാനം എന്റെ തീരാത്ത കൈവല്യ ദാഹം തീരാത്ത കൈവല്യ ദാഹം (ആ സൂര്യബിംബം) പുലരി തൻ നവരത്ന ശേഖരമാവതാ പുളകമന്ദസ്മിതമല്ലോ ആ രത്നവീണയിൽ നാദമാകുന്നതെൻ ജീവനിശ്വാസമല്ലോ അടുക്കില്ലൊരിക്കലും ഞങ്ങൾ എന്നാൽ അകലുന്നതില്ലല്ലോ തമ്മിൽ അകലുന്നതില്ലല്ലോ തമ്മിൽ (ആ സൂര്യബിംബം)" -'ലളിതഗാനങ്ങൾ' എന്ന മലയാളം വിഭാഗത്തിലെ മനോഹരമായ ഗാനമാണ്. എസ് ജാനകിയാണ് ഈ ഗാനം ആലപിച്ചത്. എ ടി ഉമ്മറാണ് സംഗീത സംവിധാനം നിർവഹിച്ചത്. ശ്രീകുമാരൻ തമ്പിയാണ് ഈ ഗാനത്തിന്റെ വരികൾ എഴുതിയത്.